«Арена» яшүсмерләр клубында сыерчык оялары ясау буенча мастер-класс узачак

Фото: Денис Гордийко

Пәнҗешәмбе көнне, 12 мартта, «Арена» клубында кошлар өчен сыерчык оялары ясау буенча мастер-класс булачак. Анда 14 яшьтән өлкәнрәк яшүсмерләр катнаша ала.

Катнашучыларга белгеч җитәкчелегендә үз куллары белән кошлар өчен өйләр ясарга тәкъдим итәчәкләр. Кошларга оя кору өчен шартлар тудыру һәм территорияне бизәү өчен әзер сыерчык ояларын клуб янына кую планлаштырыла.

Чараның махсус кунагы Казан федераль университеты профессоры, биология фәннәре докторы, Россия кошларны саклау берлегенең Казан бүлеге рәисе Илгизәр Рәхимов булачак. Ул катнашучыларга кошлар, аларның яшәү үзенчәлекләре һәм сыерчык ояларының дөрес төзелеше турында сөйләячәк.

Мастер-класс 18:00 сәгатьтә Симонов урамындагы 6 йорт адресы буенча узачак. «Арена» клубы төркеме хәбәрләре аша теркәлергә мөмкин.